Departamento: Departamento de Microbioloxía e Parasitoloxía

Facultad: Facultade de Veterinaria

Instituto: Instituto de Investigación do Medio Acuático para unha Saúde Global (iARCUS)

Agrupación estratéxica de I+D+i: Agrupación Estratéxica en Xestión e Produción sustentable de Biorrecursos (BioReDes)

Área: Microbioloxía

Grupo de investigación: Laboratorio de Referencia de Escherichia coli (LREC)

Correo: azucena.mora@usc.es

Doutora pola Universidade de Santiago de Compostela coa tese Escherichia coli verotoxigénicos (ECVT) O157-H7 y no O157 Prevalencia, serotipos, fagotipos, genes de virulencia, tipos de intiminas, perfiles de PFGE y resistencias a antibióticos de ECVT de origen humano y animal 2002. Dirixida por Dr. Jorge Blanco Álvarez, Dr. Miguel Blanco Álvarez.

Doutora en veterinaria, premio extraordinario de tese doutoral da USC e premio SYVA á mellor tese en Sanidade Animal (2002). Investigadora do Programa Nacional Ramón e Cajal de atracción de talento (2007-2012). Actualmente é Catedrática de Microbioloxía na Facultade de Veterinaria de Lugo e directora científica do Centro de Investigación de Biomedicina e Veterinaria (CEBIOVET). Académica correspondente nacional electa da Academia de Ciencias Veterinarias de Galicia pola área de sanidade animal. Membro do Laboratorio de Referencia de E. coli (LREC), incluído nos EU-NRL para VTEC en Alimentos, e membro do Instituto de Investigación do Medio Acuático para unha Saúde Global (iARCUS). Membro do Comité Científico da Axencia Española de Seguridade Alimentaria e Nutrición (AESAN) desde o 2023, e colaboradora do Plan Nacional de Resistencia aos Antibióticos da Axencia Española de Medicamentos e Produtos Sanitarios (AEMPS). Education Officer do ESCMID Food- and Water-borne Infections Study Group (EFWISG) (2024-2026). Con máis de 25 anos de experiencia en E. coli patógena para humanos e animais, dirixiu oito proxectos nacionais/rexionais como investigadora principal, e numerosas teses doutorais e traballos científicos. É autora de máis de 100 publicacións científicas (índice H = 49; WOS), unha das cales foi merecedora do Premio PRAN II Ed. 2018. O seu interese investigador céntrase nas resistencias aos antibióticos cunha aproximación "One-Health"; a liña de investigación actual “Monitorización integrada do fluxo de resistencias a antimicrobianos (RAM) e dianas de intervención “do medio ambiente, á granxa e á mesa” recibiu o premio PRAN 2024 na categoría de “Mellor iniciativa de investigación da resistencia aos antibióticos”. A Dra. Moura dirixe o dirixe o Servizo de Diagnóstico e Asesoría relacionados con técnicas microbiológicas para o xenotipado de cepas de E. coli patóXenas.