As eleccións galegas nos medios dixitais

Abstract

As eleccións autonómicas celebradas en outubro do 2001 foron as primeiras nas que participaron activamente os medios de comunicación electrónicos. Sen embargo, aínda que a priori prometía ser un campo de probas para este novo soporte, o seguimento das eleccións converteuse na translación das rutinas xa habituais nos medios electrónicos, con só dúas ou tres excepcións. De novo, a maior parte dos medios de comunicación en liña optaron por unha información fundamentalmente textual e sen exploraren as posibilidades exclusivas da rede, como a interactividade, o multimedia e actualización constante. Confirmouse, pois, que as grandes innovacións na prensa electrónica galega están na man de dúas iniciativas moi concretas que son, sen dúbida, os que marcan as pautas que se van a seguir en Galicia.