FERNANDO
DEL RIO IGLESIAS

A miña investigación centrouse inicialmente nos efectos do cambio técnico sobre a produtividade e o emprego e, máis recentemente, sobre a distribución funcional da renda. En Boucekkine et al. (1999) analizamos a existencia de ciclos endóxenos de produtividade provocados polo reemplazo de capital, mentres que en del Río (2002) e del Río e Sampayo (2014) abordamos a relación entre progreso técnico, obsolescencia e desaceleración da produtividade. En Boucekkine et al. (2003) estudamos a relación entre crecemento da produtividade xerado por aprendizaxe por fazer cando o progreso técnico está incorporado. A influencia da obsolescencia e modernización do capital sobre o crecemento económico foi analizada en Boucekkine et al. (2005), mentres que a relación entre progreso técnico e depreciación do capital se aborda en Boucekkine et al. (2009). A influencia do progreso técnico na creación de emprego foi estudada en del Río (2006) e del Río (2010). En del Río e Lores (2019) mostramos que o declive na eficiencia do capital pode explicar a diminución da participación laboral nos Estados Unidos. En del Río e Rebelo (2025) mostramos mediante unha análise econométrica que a diminución da participación das rendas do traballo na renda total estivo guiada polo sesgo tecnolóxico na maioría dos países da OCDE. A miña investigación tamén se centrou na relación entre institucións e desempeño económico. En del Río e Lores (2016) mostramos que a distribución do poder económico e político determina as políticas reguladoras dos gobernos subnacionais, o que é coherente coa alta actividade reguladora dos gobernos rexionais españois. En del Río (2019, 2021) analizo o impacto das institucións e a busca de rendas nas diferenzas de renda entre países. En particular, en del Río (2019) céntrome no impacto dos dereitos de propiedade sobre a depredación e a produtividade e en del Río (2021) no impacto da busca de rendas sobre a infraestrutura social e a produtividade. En del Río e Sampayo (2016) analizamos o impacto dunha regulación económica como os custos de entrada sobre a produtividade. Recentemente, o meu interese investigador centrouse no crecemento e a contabilidade de ciclos económicos. En del Río e Lores (2021) mostramos que as desaceleracións de produtividade nos Estados Unidos foron impulsadas principalmente polo declive do capital, mentres que as recuperacións económicas estiveron lideradas principalmente pola mellora do wedge laboral. O traballo de del Río e Lores (2023) mostra que as friccións financeiras que incrementan os custos de investimento puideron ter xogado un papel destacado na explicación da Gran Recesión nos Estados Unidos. En del Río e Lores (2023) realizamos un exercicio de contabilidade do crecemento usando todo o modelo de crecemento neoclásico co obxectivo de comprender o crecemento económico español entre 1850 e 2019. En del Río e Lores (2025) aplicamos a técnica de contabilidade xeral do crecemento para analizar as forzas que guiaron a evolución da distribución mundial da renda nos últimos setenta anos. Actualmente, a miña investigación céntrase en dúas liñas. Por unha banda, estou centrado en comprender a evolución da distribución funcional da renda e, por outra, o meu traballo enfócase en entender as forzas que impulsan a distribución mundial da renda.