Os solos urbanos de Santiago de Compostela

Abstract

O obxectivo da Tese é mellorar o coñecemento sobre os solos urbanos de Santiago de Compostela. Para o estudo das tipoloxías de solos urbanos analizáronse 13 perfís de solo cunha gran variabilidade espacial. No estudo das propiedades físicas, químicas e biolóxicas analizáronse 64 mostras superficiais de solos formados a partir de distinto material xeolóxico, e con diversidade de usos do solo e vexetación. En canto á presenza de contaminantes, analizáronse as concentracións totais e dispoñibles e a bioaccesibilidade de Cu, Pb, Zn, Cr e As, así como a presenza de PAHs en mostras superficiais de 55 solos urbanos. Os resultados obtidos indican a importancia do estudo dos solos urbanos, pola súa variabilidade e distinto grao de artificialización, así como potencial contaminación, que poden comprometer a súa xestión.