Relación do ritmo alfa coa memoria de traballo e a demanda de recursos cognitivos no envellecemento san e con deterioracióncognitiva lixeira

Zusammenfassung

A actividade oscilatoria na banda alfa tense relacionado co mantemento da información en memoria de traballo xogando tanto un papel inhibitorio en rexións irrelevantes para o procesamento da información como un papel facilitador da comunicación neural en rexións relevantes. Non obstante, hai unha escaseza de literatura sobre o seu papel nos cambios que acompañan ao envellecemento, tanto san como con deterioro cognitivo lixeiro (DCL). Dado que a memoria de traballo é unha das funcións cognitivas que se ve máis afectada tanto no envellecemento san como con DCL; nesta tese de doutoramento estudaremos a actividade alfa en fontes neurais durante o mantemento de información visoespacial en memoria de traballo, e ante diferentes niveis de demanda cognitiva, en mozos universitarios e en maiores cognitivamente sans e con DCL amnésico (DCLa). Os resultados obtidos sinalan que a actividade alfa en mozos actúa inhibindo rexións irrelevantes para a memoria de traballo; mentres que en maiores cognitivamente sans non só inhibe rexións irrelevantes, senon qué a menores niveis de demandas cognitiva tamén actúa como facilitador en rexións relevantes. Pola súa parte, os maiores con DCLa parecen non poder modular de maneira efectiva a súa actividade alfa, pois semellan inhibir rexións corticais relevantes para a tarefa. Á súa vez, observamos que o esforzo cognitivo previo parece afectar á actividade alfa espontánea en maiores cognitivamente sans pero non en maiores con DCLa; pois a actividade alfa en repouso relacionouse co rendemento e ca función cognitiva global nos primeiros, pero non nos maiores con DCLa.