As fronteiras do novo xornalismoactas do Curso da Universidade Menéndez Pelayo celebrado en setembro de 1997 no Pazo de Mariñán

Resumo

Ducia e media de traballos sobre os cambios e o papel do xornalismo nas portas do tránsito de milenio ofrece este volume de recompilación dos relatorios presentados no curso da "Universidade Menéndez Pelayo" sobre As fronteiras do novo xornalismo, celebrado entre o 8 e o 12 de setembro de 1997 no Pazo de Mariñán da Coruña, baixo a coordinación de Xosé López e Francisco Campos Freire. O obxectivo principal deste curso era o coñecemento das fronteiras que está traspasando o xornalismo en vésperas do cambio de milenio. As transformacións da sociedade e das tecnoloxías actuais contribúen a novas formas de contar as historias, Por iso parecía oportuno e necesario reflexionar cómo se ve o resente o como se prevé o futuro no horizonte do primeiro tercio do século XXI, tanto dende a ollada interna da investigación e a formación na propia Universidade coma desde as estratexias das propias empresas de comunicación galegas.