E colleron ese tren e chegaron a 2022condicións e retos das mulleres da pesca en Galicia

Resumo

As mulleres son protagonistas tanto cuantitativa como cualitativamente da pesca en Galicia. Partindo da literatura que analizou as transformacións entre finais dos 90 e 2000, este traballo ofrece unha panorámica sobre cal ten sido a evolución nas condicións das mulleres da pesca en Galicia nos últimos 20 anos, se perciben que existe igualdade e por que, e cales son os principais retos para o colectivo en base a unha revisión das principais fontes estatísticas dispoñibles e 33 entrevistas en profundidade. Os resultados amosan que a participación das mulleres no complexo pesqueiro aumentou desde os anos 90, pero que seguen concentradas en certas actividades tradicionalmente ligadas a elas. Aínda que existen variacións entre subsectores, as entrevistadas valoran que non existe igualdade, que o sector pesqueiro non lles prové dun bo medio de vida, e sinalan que malia existir avances derivados da unión e profesionalización das mariscadoras e redeiras, os retos para o avance en materia de igualdade da pesca seguen pasando por mellorar as condicións do conxunto do sector, a incorporación de máis mulleres e superación de estereotipos de xénero e por unha aposta decidida da Administración pola igualdade no sector. Por último, discútese que o feito de que a igualdade non apareza como principal reto para as mulleres do sector pode estar ligado a un tipo de empoderamento asociado ao acceso á profesión, e conclúese que malia as mudanzas, determinadas desigualdades de xénero estruturais que permanecen na pesca desde os 90